星期日(8月25日)晚10點半,荷蘭好玩終於去到最後一集!之前盈盈同麥明詩,落力又玩又食,甚至出埋水著,網上依然冇乜人留意,兩個就表示沮喪…點知,當兩位失望之際,忽然有網民伸出同情之手,終在討論區留多少少Message同開多一兩個Post,令到盈盈同麥明詩大為鼓舞!見到終於有多DD留言,無論正定負評,兩位負責任主持,當然一樣會認真聆聽同回應啦!