今晚繼續有柏豪同Jinny同大家上感情班,但首先後生仔最想取經嘅竟然係...拍攝激情場面時會唔會有反應?!柏豪即刻解話,話拍床戲時張床點會止得兩個人;Jinny同老公嘅相處之道就係坦誠相對,但係老公竟然一直唔肯帶自己去見閨蜜,搞到連柏豪都喺鏡頭前呼籲閨蜜立即自首!而今集仲有一個小彩蛋,就係柏豪自爆求婚經歷呀!