後生仔傾吓傾吓傾到500集,原本大家好掛住嘅元老級主持麥明詩都會嚟傾,點知人算不如天算,一場疫症,令佢困咗喺台灣返唔到嚟! 好彩,呢個世界有視像電話,一班後生仔女亦特登打畀佢,同佢瘋狂傾! 由於節目時間有限,所以喺500集嘅節目裡面,麥明詩只係講咗幾句就收線,但實際上錄影嗰陣,係傾咗接近半個鐘! 由佢最近生活,到而家做緊乜工作,以至佢而家嘅收入,當然仲有大家好關心嘅愛情狀況,甚至係咪有咗,全部都有問佢! 而一向百毒不侵嘅麥明詩,亦一一回應! 呢場傾偈足本,電視版睇唔到,網上就嚟個足本,當係第500集禮物送畀大家睇!