雖然香港疫況好似明朗返,但係一諗到要出街食飯 一嚟就怕污糟,二嚟出一次街就要用多個口罩同洗多套衫都幾唔方使!作為後生仔就梗係想喺屋企嗌吓外賣,於是就有咗呢一個《後生仔嗌外賣》嘅環節喇! 第一集就同大家試吓呢個6人份量火鍋餐,除返開每個人300蚊就已經有花膠雞鍋、牛頸脊同埋靚海鮮,仲要包埋爐頭同個鍋,等疫情再好轉嘅時候同朋友開Party仲可以重用添!