案發經過:
第二個兇案遊戲來到1992年的股神富豪丙蟹大宅,張醫生「張秀文」、「游魷」游嘉欣、「郭股王」郭子豪、「鄭情婦」鄭融、「丙百蠔」周柏豪同時發現丙蟹之死!

方偵探穿越時空,引領大家調查當中的恩怨情仇,不時高呼有可疑!其中兩名疑犯曾分別斟酒、杏仁茶給死者;疑犯之間更曾發生開槍事件……

————

遊戲玩法:
《死因有可疑》係一個以「劇本殺」形式進行嘅角色扮演查案遊戲。

● 玩家包括一名神探同五個疑犯,佢哋事前已經睇咗劇本。
● 劇本會寫明自己個角色嘅背景、性格,同埋案發當日做咗啲咩。
● 劇本唔會講明玩家要行去邊、要做啲咩、要講咩對白。
● 查案過程中,如果遇到劇本上冇交代嘅情況,就要根據角色設定,以急才即時回應。
● 每個玩家收到嘅劇本都唔同,玩家開始時唔會知其他人劇本寫咗咩,大家要不斷合作,交換資訊,還原案件真相。

其中一個疑犯清楚自己係兇手,佢將會誤導大家,將罪名推畀其他人。而其他人就要努力調查,搵出真兇。

搜證階段,玩家可去案發現場,用相機影低佢哋覺得有用嘅線索。第一輪搜證中,玩家可隱藏一件對自己不利嘅證物。討論階段,大家可討論線索,推理案情。

終極投票,每位玩家可票選一位兇手。如兇手得票唔係最高,兇手獲勝;如兇手得票最高,其他玩家就獲勝。

死因有可疑 | 星期一至五晚 10:30-11:15 | 翡翠台

想睇番呢集嘅精彩內容?即刻登入myTV SUPER享受睇TVB自製節目7日免費點播