《 無窮之路2 》嚟到最後一集,陳貝兒到訪海南三亞,首次潛入海中睇睇水底嘅「熱帶雨林」-珊瑚礁。近呢三十年,人類嘅過度捕撈同海岸工程建設嘅行為令到珊瑚礁系統進一步走向滅亡。幸好有一個科學家團隊成立咗「南海珊瑚拯救隊」,為拯救呢個海洋生態,不惜危險潛入水底,種植咗差唔多15萬棵嘅珊瑚,重現水底嘅「熱帶雨林」。