江嘉敏今次喺新劇《 新四十二章 》同鄭子誠飾演父女，兩父女都係數學天才，而且經常鬥氣搞出唔少笑料！《 新四十二章 》劇情多元，圍繞「尋寶」及「維度」作主題，除咗天馬行空元素，仲加插咗唔少輕鬆搞笑又節奏緊湊嘅打鬥場面，加上不時穿插嘅科學理論、中國文學以及催眠治療等充滿學術性嘅細節，務求帶俾觀眾前所未有嘅新鮮感。《 新四十二章 》由30/1起星期一至五，晚上8:30 PM喺翡翠台首播喇！劇集由陳豪、龔嘉欣、周嘉洛、江嘉敏、鄺潔楹、鄭子誠、吳子冲、譚凱琪、糖妹黃山怡、林景程及易宇航演出。大家記得30/1一齊尋寶啦！