邵一算( 鄭子誠 )終於搵到目擊證人見到殺死佢亡妻嘅兇手，不過證人竟然係一個偷底褲賊，邵一算仲俾街坊誤會佢哋係一伙，呢鋪真係水洗都唔清...

《 新四十二章 》圍繞「尋寶」及「維度」作主題，劇情多元，除咗天馬行空元素，仲加插咗唔少輕鬆搞笑又節奏緊湊嘅打鬥場面，加上不時穿插嘅科學理論、中國文學以及催眠治療等充滿學術性嘅細節，務求帶俾觀眾前所未有嘅新鮮感。劇集由陳豪、龔嘉欣、周嘉洛、江嘉敏、鄺潔楹、鄭子誠、吳子冲、譚凱琪、糖妹黃山怡、林景程及易宇航演出。