Song Name: 《心態》

Singer: RT

Intro: 上次同熱誠哥Jam到出晒位嘅RT,咪睇佢平時跳跳紮,私底下係一個認真內斂嘅創作人。 呢首《心態》講香港後生仔嘅心聲,你地中咗幾多樣?

Lyrics Writer: RT、薑檸樂

Song Lyrics: 這個世界太怪轉得太快 你冇佢快咪會被淘汰 你要破格放肆忘形大嗌 立下誓願決心踩界 這個世界變態轉得太快 你冇佢快實會被淘汰 你有志向跳進神奇地帶 別讓外在影響心態 ================================== 去到某個年紀係咪仲係應該懷住依個心地 仲係一路死心塌地 為咗夢想嘅我地 歲月不留痕 我話真係好頭痕 由中學時代話咁快就到咁 人生困惑既依個moment 我諗做緊嘅嘢係咪fulfill到目標 望住人地個個做嘅嘢都好似已經達標 每日一起身就諗 究竟人地對我點諗 好似睇返我上半世人 苦多過甘 係咪頹廢人生 就連伴侶都咁諗 佢 一個字一個字撻落黎 好似越講就越衰到貼地 伴侶既分離 讀書時期又遠離 終日拎住部手機 咪又係淨係掛住睇戲 究竟 我又係咪繼續應該相信 自己 …… 當日 細細個 細細個 乜都唔識死 拎住兩件行李 走去mk 為唱一曲 跟住比人趕 再唱多曲 交罰款交到銀包都無埋 所謂嘅出路 係人 行出黎 嘅路 没有一 條道路可以令你確實咁樣得到 無需理會別人嘅評論 對自己真心 而論 相信自己做緊嘅野係確實得嘅 時間飛逝 轉下眼我再唔係一個細路面對有好多好多嘅問題 例如係點樣維持生計 無論我左計右計 都好似一樣諗唔到計仔 家用 首期 仲要搞埋婚禮 到底社會嘅依一個體系 又係咪適合依加既 細蚊仔