而家好多後生仔女,都用網購去買嘢,因為貪方便,連街都唔使出,只需要輸入少少資料,就送貨送到上門!不過,你以為用網購已經係好懶,錯喇!「懶人KOL」波波話畀大家知,原來可以更懶!就係睇中邊樣嘢,直接搵人幫自己網購,連輸入資料個步驟都可以慳埋!至於同樣鍾意網購嘅盈盈,就貪網購可以有私隱,想買啲「特別嘢」唔止唔使露真身,連真名都唔使用!而麥明詩就話而家連佢媽咪都鍾意網購,因為網購曾經為佢解決女性生理危機,可以話係救命恩人呀!