成日聽到好多站在道德高地嘅人,笑啲後生仔女小學雞,郁啲就嬲邊個邊個,其實問心,個個口講話自己唔會咁小器,但係夠膽寫包單,絕大部份人心裡面都有個方丈,無啦啦就會因為小小誤會,搞到你睇我唔順眼,我唔妥你呢樣嗰樣,一班後生仔女,都坦白承認有呢啲小學雞行為,不過有心病,其實都可以化解,好似盈盈咁,佢就會主動出擊,約個有心病嘅同學見面,終於成功化解誤會,贏返個朋友!另外,有時一啲先入為主嘅形象,亦可以搞到就算唔識嘅都會睇你唔順眼,Vincent就話自己係最佳例子,因為節目令佢畀人覺得佢好寸,實則佢真人係勁Nice,佢一定要平反一下呀!